Poslovne vesti - Makedonija

Македонија остварила извоз од близу пет милијарди долари во 2014

Република Македонија во текот на 2014 година остваила извоз во вкупна вредност од 4,93 милијарди долари, што е за околу 670 милиони долари повеќе во однос на претходната година, објави во четвртокот Државниот завод за статистика.

Истовремено увозот достигнал 7,27 милијарди долари, што е за 676 милиони долари повеќе во донос на 2013 година.

Вкупниот обем на трговска размена на Македонија со светот во 2014 година е зголемен за 1,34 милијарди долари, на 12,2 милијарди долари.

Трговскиот дефицит, во периодот јануари - декември 2014 година, изнесува 2,34 милијарди долари, додека покриеноста на увозот со извоз изнесува 67,8 отсто.

Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, фероникелот, сетови на проводници за палење и слично,за возила, авиони или бродови, производите од железо и челик (валани производи) и облеката.

Во увозот најмногу се застапени нафтените масла и маслата добиени од битуменозни минерали (освен сурови), платината и легурите на платина, необработени или во прав, електричната енергија и други метали од платинската група и нивни легури, необработени или во облик на прав.

Според вкупниот обем на надворешно- трговската размена,  Македонија најмногу тргува со Германија, Велика Британија, Грција, Србија и Италија.